वडा शिक्षा समितिको गठन, काम, कर्तव्य र अधिकार ||2079||

१४. वडा शिक्षा समितिको गठन, काम, कर्तव्य र अधिकार

• (१) वडास्तरमा वडाको विद्यालय रेखदेख र व्यवस्थापन गर्न देहायबमोजिम वडा शिक्षा समिति रहने छ ।
• (क) सम्बन्धित वडाको वडा अध्यक्ष – अध्यक्ष
• (ख) वडा समितिका सदस्यहरुमध्ये वडा समितिले तोकेको एकजना महिला – सदस्य
• (ग) विद्यालय व्यवस्थापन समितिका अध्यक्षहरुमध्ये वडा समितिले तोकेको एकजना –सदस्य
• (घ) सामुदायिक र संस्थागत विद्यालयका प्रधानाध्यापक÷संस्थापकमध्येबाट वडा शिक्षा समितिले तोकेको दुईजना – सदस्य
• (ङ) वडाभित्रका शिक्षाप्रेमीमध्येबाट वडा समितिले तोकेकोएकजना – सदस्य
• (च) सम्बन्धित वडाका वडा—सचिव – सदस्य सचिव
• (२) वडा शिक्षा समितिको काम कर्तव्य र अधिकार देहायवमोजिम हुनेछ :
• (क) वडा भित्रको शैक्षिक योजना तयार गरी कार्यान्वयन गर्ने,
• (ख) वडा भित्र सञ्चालन हुने परीक्षालाई मर्यादित र भयरहित बनाउन सहयोग गर्ने,
• (ग) विद्यालय व्यवस्थापन समितिलाई आवश्यक निर्देशन दिने,
• (घ) विद्यालयका लागि आवश्यक स्रोत साधन जुटाउनेर परिचालन गर्ने गराउने,
• (ङ) द्वन्द्व व्यवस्थापन गर्ने,
• (च) विद्यालयको सुपरीवेक्षण तथा अनुगमन गर्ने, गराउने र अनुगमनको क्रममा अनियमितता गरेमा कारवाहीको लागि सिफारिस गर्ने ।
• (छ) विद्यालय गाभ्ने, सार्ने नाम परिवर्तन गर्ने, तह थप गर्न नगरशिक्षा समितिमा सिफारिस गर्ने,
• (ज) वडाको शैक्षिक अभिबृद्धिका लागि आवश्यक कार्यहरु गर्ने,
• (झ) प्रारम्भिक बालविकास केन्द्र सञ्चालन गर्न सिफारिस गर्ने,
• (ञ) उत्कृष्ट कार्य गर्ने शिक्षक र कर्मचारीहरुलाई प्रोत्साहित गर्ने,
• (ट) विद्यालय व्यवस्थापन समिति तथा शिक्षक अभिभावक संघ गठनमा सहयोग गर्ने
• (ठ)वडाको गुणस्तरीय शिक्षा विकासका लागि गोष्ठी गर्ने ।
• (ड) वडा शिक्षा समितिले आफ्नो बैठक सञ्चालन तथा कार्यविधि आफैले निर्धारण गर्ने,
• (ढ) नगरशिक्षा समितिले तोकेबमोजिम अन्य कार्य गर्ने,